हेटौंडा सिमेण्ट नै किन?

नेपालको विकास र नवनिर्माणमा दशकौँदेखि निरन्तर योगदान पुर्‍याउँदै आएको हेटौंडा सिमेण्ट उद्योग लिमिटेड (नेपाल सरकारको पूर्ण स्वामित्वमा सञ्चालित) स्वदेशी कच्चा पदार्थमा आधारित भरोसायोग्य नाम हो।

१. हाम्रो मुख्य उद्देश्य

• स्वदेशी स्रोतको सदुपयोग: गुणस्तरीय चुनढुङ्गा र रातोमाटो जस्ता स्वदेशी कच्चा पदार्थको अधिकतम प्रयोग गर्ने।

• रोजगारी सिर्जना: स्थानीय तथा राष्ट्रिय स्तरमा रोजगारीका अवसरहरू अभिवृद्धि गर्ने।

• आत्मनिर्भरता: नवनिर्माणका लागि अति आवश्यक सिमेण्ट उत्पादनमा देशलाई आत्मनिर्भर बनाउने।

• अर्थतन्त्रमा सहयोग: सिमेण्ट आयातलाई कटौती गरी देशको शोधनान्तर स्थिति (Balance of Payments) मा सकारात्मक योगदान पुर्‍याउने।

२. गुणस्तरीय सिमेन्ट भनेको के हो?

उत्कृष्ट निर्माणका लागि सिमेन्टमा हुनै पर्ने मुख्य गुणहरू:

• उच्च भारवहन क्षमता: बलियो र दिगो संरचना निर्माणका लागि सिमेन्टको स्ट्रेन्थ उच्च हुनुपर्छ।

• मिहीनपना (Fineness): सिमेन्ट जति मसिनो भयो, त्यति नै मजबुत पकड र फिनिसिङ दिन्छ।

• विषाक्त तत्वको कमी: Free CaO, MgO, Sulphates र Alkalies जस्ता हानिकारक रासायनिक तत्त्वहरू न्यून हुनुपर्छ।

• सही जम्ने समय (Setting Time): सामान्यतया सिमेन्ट जम्ने समय २ देखि ३ घण्टा हुनु उपयुक्त मानिन्छ।

३. हेटौंडा सिमेण्ट कसरी गुणस्तरीय छ?

• नेपाल गुणस्तर चिन्ह (NS Marking): नेपाल गुणस्तर तथा नापतौल विभागबाट “शक्ति” ब्राण्डको OPC सिमेन्टले NS/49-2041 गुणस्तर चिन्ह प्राप्त गरेको छ।

• आफ्नै चुनढुङ्गा खानी: आफ्नै स्वामित्वमा रहेका ४ वटा प्रचुर मौजदात र उच्च गुणस्तरयुक्त चुनढुङ्गा खानीहरूबाट कच्चा पदार्थ प्रशोधन गरी सिमेण्ट उत्पादन गरिन्छ।

• कडा गुणस्तर परीक्षण: आधुनिक प्रयोगशाला र दक्ष प्राविधिकहरूद्वारा निरन्तर गुणस्तर परीक्षण गरी बजारमा पठाइन्छ।

४. उपभोक्ताको पहिलो रोजाइ—हेटौंडा सिमेण्ट नै किन?

• सर्वाधिक गुणस्तरीय: गुणस्तरमा कहिल्यै सम्झौता नगरिने।

• नेपाल सरकारको पूर्ण स्वामित्व: पूर्ण सरकारी स्वामित्वमा सञ्चालित भएकाले विश्वसनीयता र पारदर्शिता।

• प्राविधिक रूपमा उत्कृष्ट: साना घर निर्माणदेखि ठूला राष्ट्रिय गौरवका आयोजनाहरूसम्मका लागि अति उपयुक्त।

• सहज उपलब्धता: उपभोक्ताको सहजताका लागि आकर्षक र सुरक्षित (मकवानपुर लगायतका क्षेत्रमा पहेँलो बोरामा समेत) प्याकिङमा उपलब्ध।

५. सिमेण्ट प्रयोग गर्दा ध्यान दिनुपर्ने कुराहरू

• गुणस्तर चिन्ह चेक गर्ने: प्याकेटमा नेपाल गुणस्तर (NS) चिन्ह र परिमाण स्पष्ट छ/छैन यकिन गर्नुहोस्।

• भौतिक अवस्था हेर्ने: बोराभित्र सिमेन्टको डल्ला वा गिर्खा परेको हुनुहुँदैन।

• भण्डारणमा ध्यान दिने: सिमेन्टलाई सधैँ ओस/जलवाष्प रहित सुक्खा ठाउँमा राख्नुपर्छ।

• मिश्रणको अनुपात: निर्माणका क्रममा गिट्टी, बालुवा र पानीको सही अनुपात मात्र प्रयोग गर्नुहोस्।

६. गुणस्तरीय सिमेन्टको आवश्यकता किन?

मानिसलाई जन्मिएदेखि नै सुरक्षित बासस्थानको आवश्यकता पर्दछ। हरेक व्यक्तिले आफ्नो जीवनभरको कमाइबाट एउटा बलियो, सुरक्षित र सुन्दर घर बनाउने सपना देखेको हुन्छ। भूकम्प तथा अन्य प्राकृतिक विपत्तिबाट भवन र संरचनाहरूलाई जोगाउन गुणस्तरीय सिमेन्टको प्रयोग अनिवार्य छ। त्यसैले, “बलियो निर्माण, सुरक्षित भविष्य” का लागि हेटौंडा सिमेण्ट नै उत्तम विकल्प हो।